ကမ္ဘာ့အပြင်ဘက်မှာ လူတွေ မတော်တဆဖန်တီးမိလိုက်တဲ့ ဒိုင်းကာ
လူသားတွေဟာ ကမ္ဘာကြီးကို ပြောင်းလဲနိုင်စွမ်း ရှိပါတယ်။ ရာသီဥတုဖောက်ပြန်မှုလိုမျိုး ဆိုးကျိုးတွေကို ဖြစ်စေသလို၊ ကျောက်ကြီးရောဂါကို အမြစ်ဖြတ်နိုင်ခဲ့တာမျိုးလည်း ရှိပါတယ်။
ကမ္ဘာ့အပြင်ဘက်မှာ လူတွေ မတော်တဆဖန်တီးမိလိုက်တဲ့ "ဒိုင်းကာ"
လူသားတွေဟာ ကမ္ဘာကြီးကို ပြောင်းလဲနိုင်စွမ်း ရှိပါတယ်။ ရာသီဥတုဖောက်ပြန်မှုလိုမျိုး ဆိုးကျိုးတွေကို ဖြစ်စေသလို၊ ကျောက်ကြီးရောဂါကို အမြစ်ဖြတ်နိုင်ခဲ့တာမျိုးလည်း ရှိပါတယ်။ အခုတစ်ခါမှာတော့ ကျွန်တော်တို့ဟာ ကိုယ်တိုင်တောင် သတိမထားမိဘဲ အာကာသထဲမှာ ကမ္ဘာကြီးကို ကာကွယ်ပေးနိုင်တဲ့ "အတားအဆီး" (Barrier) တစ်ခုကို မတော်တဆ ဖန်တီးမိရက်သား ဖြစ်သွားပါတယ် ။ ဒါဟာ ဂြိုဟ်သိမ်ဂြိုဟ်မွှားတွေကို လမ်းလွှဲတာမျိုးမဟုတ်ဘဲ အာကာသထဲက ရောင်ခြည်သင့်မှုကို တွန်းထုတ်လိုက်တာပါ ။
ကမ္ဘာ့သံလိုက်စက်ကွင်းဟာ နေမင်းဆီကလာတဲ့ အန္တရာယ်ရှိ ရောင်ခြည်တွေနဲ့ ဆိုလာမုန်တိုင်းတွေကို ကာကွယ်ပေးထားပါတယ် ။ ဒီသံလိုက်စက်ကွင်းကြောင့် ကမ္ဘာ့ပတ်လည်မှာ Van Allen belts လို့ခေါ်တဲ့ ရောင်ခြည်သင့်ဒေသ (Radiation bands) တွေ ဖြစ်ပေါ်နေပြီး ပုံမှန်အားဖြင့် ဒိုးနပ်ကွင်းပုံစံ ရှိပါတယ် ။
ဒါပေမဲ့ ၁၉၆၀ ပြည့်လွန်နှစ်တွေက တိုင်းတာချက်တွေနဲ့ ယှဉ်ကြည့်ရင် အခုခေတ်မှာ ဒီရောင်ခြည်သင့်ခါးပတ်ရဲ့ အတွင်းဘက်အနားသတ်ဟာ ကမ္ဘာနဲ့ ပိုဝေးတဲ့နေရာကို ရွေ့သွားတာ တွေ့ရပါတယ် ။ အကြောင်းရင်းကတော့ -
VLF ရေဒီယိုလှိုင်းများ - ရေငုပ်သင်္ဘောတွေ ဆက်သွယ်ဖို့သုံးတဲ့ VLF (Very Low Frequency) ရေဒီယိုလှိုင်းတွေဟာ အာကာသထဲအထိ ရောက်သွားပါတယ် ။ ဒီလှိုင်းတွေက အာကာသထဲက အမှုန်တွေနဲ့ ဓာတ်ပြုပြီး ကမ္ဘာ့လေထုအပြင်ဘက်မှာ "ပူဖောင်း" (Bubble) သဏ္ဌာန် အကာအကွယ်တစ်ခု ဖြစ်ပေါ်စေပါတယ် ။ ဒီ VLF ပူဖောင်း ရှိနေတဲ့နေရာအထိ ရောင်ခြည်သင့် Van Allen belt က တိုးမဝင်နိုင်တော့ဘဲ နောက်ဆုတ်သွားရပါတယ် ။
ဒါဟာ ထင်ကြေးသက်သက် မဟုတ်ပါဘူး။ ၂၀၁၉ ခုနှစ်မှာ တာဝန်ပြီးဆုံးသွားတဲ့ NASA ရဲ့ Van Allen Probes စူးစမ်းလေ့လာရေးယာဉ်တွေကနေ ရရှိတဲ့ အချက်အလက်တွေကို အခြေခံထားတာ ဖြစ်ပါတယ် ။ MIT Haystack Observatory က ပညာရှင် Phil Erickson ကိုယ်တိုင်ကလည်း VLF လှိုင်းတွေဟာ အာကာသထဲက စွမ်းအင်မြင့်ရောင်ခြည်သင့်ဝန်းကျင်ကို ပြောင်းလဲနိုင်စွမ်းရှိကြောင်း အတည်ပြုပြောကြားခဲ့ပါတယ် ။
ဒီအတားအဆီးဟာ သိပ္ပံခေတ်လွန်ဇာတ်လမ်းတွေထဲကလို "Force Field" ကြီးတစ်ခုလုံးတော့ မဟုတ်ပါဘူး ။ ဒါပေမဲ့ ကမ္ဘာဆီကို ဦးတည်လာတဲ့ အန္တရာယ်ရှိ စကြာဝဠာရောင်ခြည် (Cosmic Radiation) အချို့ကို လမ်းလွှဲပေးနိုင်စွမ်း ရှိပါတယ် ။ လက်ရှိမှာတော့ ဒီ VLF ထုတ်လွှင့်စက်တွေကို အသုံးပြုပြီး ဆိုလာမုန်တိုင်းဒဏ်ကနေ ကာကွယ်ဖို့ အမှန်တကယ် အသုံးချနိုင်မလားဆိုတာကို ပညာရှင်တွေ ဆက်လက်စမ်းသပ်နေကြပါတယ် ။
Source Reference: Source: IFLScience